Бебињата родени со царски рез, се со два пати поголем ризик да имаат прекумерна тежина во детските години, отколку оние родени по природен пат, покажало едно американско истражување...

За целите на истражувањето научниците од Бостонската детска болница истражувале 1225 мајки и нивните деца во текот на три години, преку мерење на тежината на детето и телесната тежина на бебињата. Една четвртина од децата биле родени со царски рез.

Откако ја зеле во предвид максималната тежина на мајката и други фактори, научниците утврдиле дека околу 16% од децата родени со царски рез, биле со прекумерна тежина до 3-годишна возраст во однос на 7,5% од бебињата родени по природен пат.

Истражувањето дошло до заклучок дека децта родени преку операција не се изложени на поволни бактерии, поради што на телото му треба повеќе време за да натрупа корисни микроорганизми, кои го стимулираат метаболизмот.

Исто така и возрасните со прекумерна тежина имаат помалку "пријателски" бактерии во дигестивниот тракт и повисоко ниво на "лоши" бактерии, што значи дека тие согоруваат помалку калории а повеќето од нив ги таложат како масти.