Многу од нас ги поврзуваат акните со тинејџерските години и ги сфаќаат како нешто што мистериозно исчезнува преку ноќ кога ќе станеме возрасни.



Како и да е, со акните се „дружиме“ по поминувањето на тинејџерскиот период. Според едно истражување, 14% од жените патат од акни помеѓу своите 26 и 44 години од животот. Sunil Chopra од Лондонскиот Центар за Дерматологија признава дека секоја недела се јавуваат 20-30 нови случаи со акни кои опфаќаат старосна граница помеѓу 20 и 50 години. Всушност, просечната возраст на која луѓето добиваат акни е помеѓу 21 и 27-та година од животот.



Акните се појавуваат поради големата маснотија на кожата, позната како „себум“. Колку повеќе себум се произведува, толку е помасна вашата кожа и акните се во лоша и комплицирана состојба. Тогаш себумот заглавува под порите и се воспалува, обојувајќи се во жар црвена боја.