Зелениот вкусен цвет е извонредно здрав зеленчук за кој знаеме многу, но сепак вреди да се направи еден мал потсетник...

Направени се многу истражувања, но сите кажуваат едно - брокулата ја спречува појавата на тумор и не штити од прерано стареење. Студиите покажаа дека брокулата може да биде добра заштита од штетното сончeво зрачење во споредба со било која крема за сончање.

Научниците тврдат дека забележале намалување на црвенилото на кожата, кое настанало како резултат од изложувањето на УВ зраците, кога на "оштетените делови" било нанесено екстракт од брокула.

Но брокулата не делува како крема за сончање, таа го сопира продирањето на УВ зраците во внатрешноста на кожата, потикнувајќи ги ензимите кои ги штитат клетките на кожата и го спречуваат нејзиното оштетување.

Екстрактот од брокула треба да се нанесе 24 часа пред да се изложите на сонце затоа што толку време му е потребно за да почне да делува, додека пак заштитата трае и до неколку дена.