Производите за убавина можат да бидат многу корисни, но и опасни за вашето здравје...

Со оглед на тоа што повеќето дами секојдневно користат козметички производи, покрај на квaлитетот треба да внимаваaт и на хигиената.

Ако за бричење користите жилет, треба добро да го исчистите по секое користење и редовно да го менувате, бидејќи по употребата на него остануваат кожни клетки.

Исто така, треба да ги одржувате четките и сунѓерчињата кои ги користите при шминкање. Доколку имате масна кожа или кожа склона кон акни, четката или сунѓерчето со кои нанесувате пудра треба да ги миете по секоја употреба.

Четките, најдобро е да ги чистите на секои три до пет месеци. Измијте ги со топла вода и потоа истиснете го вишокот вода, па оставете ги да се исушат.

Маскарата и тушот за очи се идеално место за собирање и размножување на бактерии, затоа редовно менувајте ги. Една од десет очни инфекции кај жените е предизвикана од козметика со поминат рок на траење.

Ако сакате да бидете сигурни дека производите што ги користите се добри, придржувајте се на рокот на траење, кој најчесто е оттиснат на самата амбалажа.

Парфем: 2 години
Течен коректор: 1-2 години
Крема за лице: 6-12 месеци
Моливче за очи: 3 години (редовно да се остри)
Маскара: 3-6 месеци
Сенка за очи: 3 години
Крема за сончање: 1 година
Кармин: 2-4 години
Течна пудра: 1-2 години
Лак за нокти: 1-2 години
Моливче за усни: 3 години