И мажите се грижат околу зачнувањето,  18% од нив се откажале од алкохол, додека 61% редовно вежбаат, а речиси третина од нив советите и информациите ги бараат од своите пријатели...

Со цел да ги зголемат своите шанси за дете, 23% од мажите го намалиле дружењето со пријателите, открило истражувањето на британската компанија Clearblue.

Речиси 15% мажи наместо обични гаќи избрале удобни боксерици, 61% од нив редвоно вежбаат, 49% пијат повеќе вода, а 18% се откажале од алкохолот за што полесно да можат да добијат дете.

Околу 13% го намалиле сексот за да произведат што повеќе сперма, а петина од нив признаваат дека откако почнале да се трудат да добијат дете, сексот им станал обврска, а не уживање.

Но за разлика од мажите, 35% од жените сакаат повеќе секс во текот на перидот во кој сакаат да зачнат. Две третини од мажите признаат дека било потребно многу повеќе време за зачнување отколку што очекувале, а 45% од нив потврдиле дека главна причина за тоа е недостатокот на време за секс.

"Да добиеш дете е лесно, но може да биде навистина стресен период и за мажот и за жената. Ниту еден од партнерите не би требало да го превземе целиот товар на себе, но убаво е да се види дека и мажите се грижат", истакнала стручњакот за плодност др. Даун Харпер.