Срцевите удари се почести кај мажите кои изневеруваат иако сопругите сеуште им се привлечни, а најверојатно причина за тоа е чувствотот на вина но и стресот, потрврдило истражувањето...

Мажите кои ги изневеруваат своите сопруги не го ризикуваат само бракот туку и своето здравје, тврдат научниците. Ризикот дека ќе доживее срцев удар е поголем ако мажот се наоѓа со љубовницата отколку со сопругата, открило истражувањето спроведено од универзитетот во Фиренца.

Во текот на сексот со сопругата ризикот за срцев удар со смртни последици е помал отколку при средбата со љубовницата. Стресот поради освојување и задоволување, често пати на помлади жени, предизвикува проблеми со срцето.

"Вонбрачниот секс може да биде стресен затоа што најчесто се случува после претерано пијанство или јадење. Исто така криењето по разни хотели може опасно да го покачи крвниот притисок и отчукувањето на срцето што предизвикува поголемо трошење на кислород, а со самото тоа и срцев удар", истакнала Алесандра Фишер која е дел од ова истражување.

"Освен тоа, голема улога има и чувството на вина. Имено, инфарктите се почести кај мажите кои изневеруваат, иако сеуште ги привлекува сопругата", додала Фишер.

Поранешните истражувања потврдија дека повеќето мажи кои починале за време на секс имале афера и починале далку од дома.