Овие едноставни решенија дефинитивно може да ви помогнат да се ослободите од подочниците и да изгледате подобро...

Краставица - Краставицата е познат и многу популарен третман.

Само ставете парчиња од свежа краставица на очите и почекајте да делуваат. Но, што вели науката за ова?

Технички, ниската температура може да предизвика стеснување на крвните садови, па затоа отокот под очите само привремено ќе се намали.

Оваа метода може да ги ублажи подочниците, ама не и целосно да ги отстрани.

Сон - Клуч за поубави очи е доволната количина сон. Сонот може да го намали црвенилото на очите и надуените подочници, но нема да го отстрани темниот пигмент.

Некои експерти советуваат да спиете на една повисока или на две перници, со што главата за време на спиењето ќе биде на повисока положба. Тоа ќе го спречи насобирањето на течност во подочниците.

Правилна исхрана - Иако исхраната нема директно влијание врз подочниците, одредени видови на храна може да придонесат за здравјето на кожата.

Зелениот чај содржи поволни антиоксиданси, односно има противвоспалителни својства кои ги штитат клетките на кожата.

Лососот, пак, содржи астаксантин и картеноид, кои ја подобруваат еластичноста на кожата, додека авокадото и јајцата се богати извори на биотин, витамин кој помага во одржувањето на здрава кожа.