Ново истражување покажува дека и покрај бројните препораки од стоматолозите, луѓето не научиле како правилно да ги мијат забите...
До овој заклучок, научниците од универзитетот во Гетеборг, Шведска, дошле по проучување на 200 Европејци од различни земји. Доброволците биле на возраст помеѓу 15 и 16 години, 31-35, 60-65 и 76-80 години. Тие одговориле на различни прашања, меѓу кои како ги мијат забите, во каква состојба е четката, колку паста ставаат и колку долго ги четкаат забите. По анализата на резултатите експертите утврдиле дека 90% од испитаниците не ги мијат забите правилно.
Многу од луѓето не ги мијат забите два пати дневно. Испитаниците велат дека не ги мијат забите, за да се заштитат од кариес, туку поради чувството за свеж здив.
Британската стоматолошка асоцијација препорачува да се користи четка за заби со мала глава, така што полесно ќе дојдете до сите делови во усната шуплина. Добро е четката да биде средно мека. Најдобро е да ги миете забите со кружни движења, а не нагоре надолу. Миењето на забите треба да трае најмалку 2 минути по два пати на ден.
