Што појадовте денес?

Научниците од Технолошкиот институт во Масачусетс дошле до случајно откритие дека јогуртот може да делува како афродизјак. 

Тие направиле експеримент врз глувци со цел да го видат влијанието на јогуртот врз дебелината. На едната група секојдневно и давале да пие јогурт, а другата била хранета со брза храна – сендвичи и газирани пијалаци. Во текот на истражувањето било откриено дека јогуртот има и многу силно афродизијачко дејство. 

Глувците кои консумирале јогурт имале за околу пет отсто потешки тестиси од оние кои биле хранети со нездрава храна, а биле и за 15 отсто поголеми од нив. 

Освен тоа, "пијачите на јогурт" имале посјајни и погусти влакна.

Глувците кои добивале јогурт полесно и побрзо создавале потомство, а добивале и повеќе потомци. Се претпоставува дека тоа е резултат на пробиотските бактерии во јогуртот, кои го подобрувале здравјето на глувците, а со самото тоа и нивното либидо.

Резултатите од истражувањето би можеле да имаат влијание и врз човечката плодност.