Фитнесот помага кај зголемениот крвен притисок и кај луѓето кои имаат наследна предиспозиција кон хипертензија...

Редовното вежбање ја намалува веројатноста од проблеми со крвниот притисок до 42%.

Кај луѓето кај кои проблемите со високиот крвен притисок се наследни, со редовни вежби и добра физичка форма значително може да го намалат овој ризик, изјавиле научниците од универзитетот во Јужна Каролина. Истражувањето опфатило 6300 лица на возраст меѓу 20 и 28 години кои се наоѓаат во добра физичка форма. Најмалку еден од родителите на една третина од учесниците страдал од хипертензија.

Се покажало дека физичката активност го намалува шансите за хипертензија за 34% во споредба со луѓето кај кои е наследно, а не вежбаат и за 42% без оглед дали посоти некој со хипертензија во семејството.

Што се однесува до оние кои водат седечки живот и имаат "лоши гени", ризикот да развијат висок крвен притисок се зголемува за 70% во споредба со они кои се поактивни.

"Врската помеѓу физичката форма, историјата на болеста во семејството и ризикот од развој на хипертензија не треба да се игнорира. Оваа информација им е потребна како на лекарите така и на пациентите за успешна и ефикасна борба и превенција на болеста", изјави еден од авторите на истражувањето.

Стручњаците му препорачуваат на секој човек за здраво срце најмалку 30 минути спорт на ден, пет пати неделно.