Новото истражување откри дека двојно повеќе луѓе страдаат од сомнамбулизaм, отколку што се мислеше претходно, соопштија британските медиуми...

Експертите открија дека 3,6% од луѓето, или еден од 25 лица е склон кон сомнамбулизам или или познато уште како месечарење. При претходните испитувања податоците гласеа дека еден од 50 луѓе може да се "пофали" со оваа дијагноза.

Бројот на луѓето кои се стануваат за време на спиењето се зголемил за речиси три на десет, или 29,2%.

Во анкетата учествувале 19 136 лица. 80% од луѓето месечари велат дека станувале и правеле разни работи најмалку пет години, а 1/3 имаат блиски од семејството, кои го имаат овој проблем.

Сомнамбулизмот (месечарење или одење во сон) е растројство на сонот, при што човекот за време на спиењето врши активности кои се карактеристични за будна состојба.

За време на спиењето се забележани и активности како јадење, облекување, па дури и возење. Повеќето случаи на сомнамбулизам сепак се ограничени на одење, се разбира, без поединецот да го знае тоа.

Месечарите се движат со отворени очи, за да можат да се снајдат во нивната средина, а не со затворени очи и испружени раце, како што често ги претставуваат во филмовите.
Очите на месечарот можат да изгледаат безживотно или празно а ако го прашате нешто може да го одложи одговорот или да не одговори воопшто.

Честа заблуда за ова растројство е дека сомнамбулот никогаш не треба да се буди во текот на својата дејност. Во принцип нема опасност ако го разбудите, може само да биде дезориентиран или збунет.