Заоблен и испакнат задник е желба на секоја припадничка на понежниот пол. Но, за жал, природата не ја подарила таква на секој од нас. Спасот го наоѓаме во неколку основни вежби за кои ви е потребно да издвоите само неколку минути. Со овие три лесни вежби ќе станете горда сопственичка на еден заоблен задник:...

Прва вежба
Застани така што петиците ќе ти се допираат, а стапалата сврти ги странично за што повеќе да можат да работат мускулите од внатрешниот дел на бедрата. Исправи го грбот, стегни го стомакот а со рацете држи се за стол за да можеш да одржуваш рамнотежа. Подигни ги петиците во воздух, и спушти се надолу се додека задникот не го израмниш со колената. Врати се во првобитната положба. За почеток направи три серии по 10 пати.

Втора вежба
Стави ги рацете на стол поради рамнотежа, застани позади потпирачот од столото во расчекор. Остани да стоиш на левото, благо свиткано колено (за да не дојде до оптеретување на коленото), а десната нога држи ја во воздух колку што можеш повеќе. Битно е коленото да ти "гледа" на страна. Кога ногата ја креваш во воздух остани во таа положба барем пет секунди и повтори го тој процес во три серии по 10 пати. Сето ова повтори го и со другата нога.

Трета вежба
Потпри се на подот со колената и рацете. Исправи ја едната нога така што подот ќе го допираш само со прстите. Грбот држи го исправено како и рацете, и стегни го стомакот. Крени ја испружената нога во агол од 90 степени или колку што можеш повеќе, задржи ја така неколку секунди и спушти. Направи три серии по 10 пати и повтори ја вежбата со другата нога.