Стојте подалеку од девојките! Мажите побргу слабеат во текот на вежањето доколку во нивна близина нема жени, сметаат научниците...

Секако не мора да се откажете од својата девојка, или бројните обожавателки, но додека вежбате подобро е да бидете во друштво само на мажи.

Иако женската подршка може да биде добра стимулација, во текот на слабеењето не игра добра улога, покажала една британска студија.

Научниците дошле до заклучок дека мажите во текот на вежбањето поефикасно ги губат килограмите кога во нивна близина нема жени, а таквиот факт најмногу е забележан кај колективните спортови и заедничките рекреативни активности, како што е вежбањето во теретана.

Имено, истражувањето покажало дека самосталното вежбање или "чистото" машко друштво повеќе ги мотивира мажите, ги потикнува да вежбаат подолго и понапорно.

Рекреацијата во друштво потикнува заедништво и наптреварувачки дух.

Од друга страна, мажите кои вежбаат во друштво на жени почесто губат речиси двојно помалку килограми за ист период на рекреирање.

Зои Хелман, од комапнијата која се занимава со одржување на нормална телесна тежина, која воедно е и една од организаторите на истражувањето истакнала дека мешаните групи за вежбање не гарантираат исти резултати, како и групите кои се составени само од мажи или само од жени.

"Поголемиот број на испитаници потврдија дека присуството на жените во текот на физичките активности не им ја зголемува мотивацијата", рекла Зои.

Компанијата после ова истражување почнала да ги набљудува и потикнува исклучиво машките групи за да се постигнат подобри резултати во текот на вежбањето.