Според најновото истражување, мажите се опседнати со изгледот дури повеќе и од своите понежни половини. Имено, во салоните за разубавување ги има се повеќе и повеќе, попрецизно, дури 66%, повеќе отколку во претходните 12 месеци...

Иако шишањето е суште најчесто барање, маникирот, педикирот и одењето на солариум станаа вообичаени за повеќето мажи. Иако истражувањето се однесува за Велика Британија, нема сомневање дека бројот на мажите загрижени за својот изглед е во пораст и во нашите краеви. Како што тврди истражувањето, Шкотска дури во 74% од своите салони за разубавување нуди третмани за мажи. Од друга страна, повеќе од третина од машките клиенти во Велс одат на третмани за потемнување, што со бројка од 35%, ги става на прво место во Велика Британија.

Ричард Хул, кој е директор на "Salon Services" во Британија и Ирска, за порастот на бројот на мажи кои претерано се грижат за својот изглед има занимлив коментар: "Нашите клиенти зборуваат за тоа дека грижата за изгледот денес е се почеста појава и кај мажите. Со оглед на зголемениот интерес за третмани во козметичките салони, сигурно ќе се отвараат уште многу, а со самото тоа, ќе се отворат и нови работни места за многу незапослени во козметичката индустрија".