Според американски специјалисти физиката на жената е одлучувачка кога станува збор за диети...

Одамна е утврдено дека универзална диета за слабеење не помага. Истражувачите веруваат дека најважна улога во зголемувањето на килограмите играат хормоните, а не генетиката, како што се сметаше досега. Д-р Ерик Берг, автор на "7-те принципи на согорувањето на мастите", истакна дека жените кои можат да ги контролираат хормоните се во можност да го подобрат својот метаболизам и да ја намалат тежината.

"Хормоните го регулираат расположението, растот, развојот и размената на материите", објасни Берг. Во својата книга тој опишува различни видови диети според формата на женската фигура.

Претставничките на понежниот пол кои имаат тело како "јаболко" натрупуваат најмногу масти во областа на стомакот. Тоа, според експертите се должи на зголеменото ниво на хормонот на стресот. За да се спасат од несаканите сантиметри во оваа област дамите треба да избегнуваат чоколадо.

Жените со "крушовидни тела" натрупуваат килограми во областа на колковите. Тие треба да се откажат од млечните производи и сите оние производи кои се извори на фитоестрогени.