Околу 55 отсто од Американците барем еднаш неделно заспиваат во канцеларија, во црква или на работното биро...

Ова го покажуваат резултатите од истражувањето на невладината организација Better Sleep Council, која го рекламира значењето на сонот за добро здравје и квалитетот на животот.

Мажите се со поголема веројатност да заспијат каде и да е, отколку жените, покажа истражувањето на организацијата која ја има подршката и од Американската асоцијација на производители на душеци и го објави мај за месец на подобар сон. Тоа истражување вклучило 1000 лица.

Еден на секои 10 испитаници признал дека заспива на работното место, додека 7% задремувале во црква, 6% - во јавниот транспорт, а 4% - во тоалет. Бевме многу изненадени, изјави портпаролот на организацијата Карин Махоуни.

Еден маж заспал на покрив, друг се впуштил во слатки соништа, додека го сослушувале на интервју за работа, а трет задремал на работното биро пред своите ученици. Освен тоа, 60 отсто од учесниците во истражувањето изјавиле дека повеќе го сакаат сонот од сексот.

Во 2007 година слично истражување, направено на територијата на Европа, покажа дека секој четврти Европеец задремува на бирото. Ирците тогаш беа на чело на листата за најпоспани, а Холанѓаните најуспешно го прикриваат или "скротуваат" прозевањето - тоа се само некои од заклучоците на група фински психолози и социолози, кои го истражувале однесувањето на повеќе од 21 илјади лица на работното место.