Се чини дека близу 10% од луѓето се соочуваат со депресијата во различни фази од животот. За справување со неа експертите препишуваат лекови, но шкотските истражувачи се убедени дека луѓето можат да се справат со болеста и на друг начин...

Научниците анализирале осум истражувања со учество на 314 доброволци и утврдиле дека одењето е најдобро средство против депресија a го има истиот ефект како физичките вежби со кои се губи повеќе енергија.

Предноста на брзото одење е тоа што е во моќта на повеќето луѓе. Оваа едноставна вежба не бара никакви финансиски средства и може да стане дел од начинот на живот на сите оние кои страдаат од депресија.

Експертите наведуваат дека особено корисно е пешачењето на чист воздух, бидејќи најдобро помага во создавањето на хормоните кои влијаат позитивно врз емоционалната состојба. Секоја мала прошетка ќе ви подари голема насмевка.