Понекогаш е доволно да си ставиме свежa боја на ноктите или усните и да се чувствуваме подобро...

Наједноставните ритуали за разубавување може да го ни подобрат расположението а воедно и надворешниот изглед.

Тајни за природна убавина се пронаоѓаат и подобруваат секоја година. Независно од овие промени и од развојот на козметичката индустрија, има некои основни правила кои засекогаш ќе останат валидни.

Дознајте повеќе за тоа како да го подобрите расположението со убавина во деновите кога не се чувствувате добро.

Тенот на кожата

Производите за бронзен тен кои ни даваат "бакнеж" од сонцето се многу добар начин за подобрување на расположението.

Се разбира, никогаш не заборавајте да се ексфолирате пред да пристапите кон овие средства. Секако тоа важи и за телото и за вашето лице. Така навистина ќе бидете подготвени за пролетното расположение.

Педикир

Иако уште не е време за сандали, да имате совршен педикир е задолжително.

Изберете боја која одговара на тенот на вашата кожа, почитувајте ги трендовите, изберете интересна декорација, посетете професионалец.

Има толку работи што може да ги направите за прекрасните нокти на нозете, ако не сега кога?

Освежете го лицето

Освен што сте "бакната" од сонцето, добро е да го освежите лицето. Користете нијанси во шминката кои ви одговараат и со кои се чувствувате добро, задолжително ставајте руменило и вазелин за усни со заштитен фактор.

Од неодамна модерната бела шминка, како и пурпурната боја на сенки за очи и светкавите кармини можат да бидат соодветни за вас. Изберете "вкусен" вазелин или сјај.

Егзотични парфеми

Мирисите на пролетта се егзотични и шарени. Изберете мирис, кој ќе ви го подобри расположението вам и на луѓето околу вас.

Може да одберете и лосион за тело со ист мирис и да се радувате на себе во текот на целиот ден.