4 од 5 мажи се чувствуваат неудобно во своето тело, особено ако имаат пивски стомак и недостаток на изразена мускулатура, покажуваат податоците од едно онлајн истражување...

Речиси половина од учесниците (на возраст околу 40 години) се изјасниле дека би менувале една година од својот живот за совршено тело.

Најголем проблем на мажите, според анкетата, е мускулатура - на рацете, градите и стомакот.

Желбата за извајаните мускули е цел на многу претставници на посилниот пол, а за постигнување на тоа придонесуваат главно протеините.

Ако си мислите дека само жените зборуваат за состојбата на својата фигура, многу се лажете. Мажите, исто така чувствуваат тензии од очекувањата на јавноста. Тие исто така разговараат меѓу себе за јадење, вежбање, мускулите, килограмите.

Суетата не е вродена карактеристика само на понежниот пол. Стремежот за обликувањето на убаво тело е важен и за двата пола. Мажите, исто така, се загрижени за надворешниот изглед.

Зошто не му предложите на партнерот да трчате заедно во парк (или да возите велосипед). Ако размислува дека и има потреба да намали 1-2 кг, може да разговарате за неговото мени, но без да го напрегате со ограничувања и ултиматуми.

Режимот на исхрана треба да е соодветен за него, за да не се наруши балансот на важните материи и да се предизвика повеќе штета отколку корист.