Исхраната богата со разновидно овошје и зеленчук го намалува ризикот од развивање на дијабетес два.

Личностите кои јадат доста овошје и зеленчук би можеле да бидат под нешто помал ризик од заболување од дијабетес тип 2, отколку оние кои конзумираат мали количини од тие намирници, утврди тим британски професионалци од институтот за метаболичка наука во Кембриџ.

Ризикот од дијабетес исто така е помал кај оние кои јадат разновидно овошје и зеленчук (без разлика на количината), отколку кај личностите чија исхрана во овој сегмент е монотона.

Со студијата биле опфатени 3.704 личности, на возраст од 40 до 79 години, од кои 653 се оболиле од дијабетес 2 за време на 11 години.

Меѓу третина од испитаниците кои конзумирале најмногу овошје и зеленчук (околу шест порции дневно), од шеќерна болест во 11 години се разболеле 16%, а меѓу оние кои конзумирале најмалку (околу две порции) се разболеле 21% од испитаниците.

Под порција се подразбира половина шолја готвен зеленчук или свежа овошка со средна големина.

Разновидноста на внесот на овошје и зеленчук можеби има уште поголема заштитна улога отколку количина, открил тимот од Кембриџ.

Имено, испитаниците кои неделно конзумирале најмалку 16 видови овошје и зеленчук биле под дури 40% помал ризик да заболат од дијабетес 2, од оние кои јаделе само осум видови овошје и зеленчук.

Тоа се објаснува со фактот дека разоновидноста на внесот на овошје и зеленчук обезбедува широк спектар на хранливи материи - не само витамини и минерали, туку и билни влакна и материја која се вика фитохемикалија.

За фитохемикалиите се верува дека ги штитат клетките од оштетување кои можат да доведат до развој на хроничната болест.