Тестостеронот, главниот машки полов хормон, е од големо значење за изгледот на жените, утврдија научници...

За време на менопаузата во организмот на жените се гледа драматичен пад на хормонот естроген. Десет или повеќе години пред прекинот на работата на јајниците, нивото на половите хормони прогестерон и тестостерон исто така почнуваат да се намалуваат. Двата хормони имаат клучна улога во превенцијата на болести како репродуктивни нарушувања, рак на дојка, автоимуни заболувања, намалена густина на коските и остеопороза, како и пад на либидото и сексуалната желба.

Во изминатава деценија научниците наоѓаат се повеќе докази дека тестостеронот, кој е главниот машки полов хормон, е од клучнo значење за здравјето и убавината на жените. Тој им овозможува на жените во зрела возраст да ja одржуваат добрата фигура и да бидат сексуално активни.

Неодамнешна студија, во која учествувале 75 жени на возраст меѓу 31 и 56 години покажа дека од една или друга причина откажувањето на јајниците или отстранувањето на истите драстично го намалува нивото на тестостерон во женскиот организам.

Друга група доброволки биле подложени на интересно искуство, за време на кое лекарите вештачки им давале по 300 микрограми тестостерон на ден. Како резултат на тоа кај жените значително се подобрил сексуалниот живот, расположението и целокупната здравствена состојба.