Австралијанката Полин Фултон (64) е првата личност на светот на која во срцето и е вшприцана течност за која се тврди дека би можела да го спречи застојот на работата на срцето по срцев удар.

Ликвидниот третман или биоапсорбирачкиот срцев матрикс, кој е добиен од морска трева, е вшприцан во срцето на Фултон два дена откако имала тежок срцев удар.

Течноста би требало да го намали отокот на конструкцијата околу мускулот кој би можел да биде зголемен.

Лекарите се надеваат дека оваа процедура ќе го спречи проширувањето кое предизвикува престанување на работата на срцето кај околу 40% од личностите кои претрпуваат срцев удар.

За време на получасовната процедура, лекарите впшрицале четири милилитри „течна направа“ во блокираната артерија на Фултон. Вшприцаната течност ја апсорбирал оштетениот срцев мускул. Потоа се формирал гел кој би требало да го држи мускулот за време на опоравувањето и да го спречи проширувањето на срцето.

По шест недели, течноста би требало да се раствори и притоа да биде излачена низ бубрезите.

Професорт Вилијам ван Гал, кој ја извел процедурата, рече дека овој третман би можел да стане рутински во рок од три години.

„Стандардниот третман на пациентите е конзумација таблети за да се спречи проширувањето на срцето, но тоа не секогаш е ефикасно. Ова е целосно нов пристап кој би можел да го промени начинот на лечење на пациентите и значајно да го подобри опоравувањето. Бројни пациенти, кои ќе претрпат голем срцев удар, умираат од застој во работата на срцето бидејќи срцето им станува проширено за да го надомести оштетениот дел“, рече Вал Гал.