Научниците од универзитет во Калифорнија пронашле доказ дека паразитот кој ги предизвикува повеќето случаи на маларија е близок генетски роднина на паразитот пронајден кај шимпанзото. Генетската анализа сугерира на тоа дека човечкиот паразит е директен потомок на мајмунскиот паразит.

Паразитот кој предизвикува маларија, Plasmodium Faciparum, е проширен кај луѓето пред 10.000 години. „Маларијата со преминување кај луѓето, за брзо време се претвори во тешка болест. Се покажала отпорна на многу лекови, а сега се надеваме дека нашето откритие ќе помогне во развојот на добивање на соодветна вакцина“ - изјавил научникот Francisco Ayala.

Според процените на Светската Здравствена Организација, маларијата годишно убива околу еден милион луѓе, а во исто време од неа заболуваат околу 300 милиони.

Групата научници земале приероци крв од шимпанзо од Камерун и кај 10 посто од примероците е пронајден паразитот Plasmodium reichenowi. „Тоа е најблискиот познат потомок на Plasmodium falciparum, предизвикувачот на маларија кај човекот, а тоа го докажавме со нашите генетски испитувања“ - изјавил Ayala. Ова е последно откритие во низата истражувања во врска со тоа дека некои од најтешките болести изворно започнале од животните. Сидата исто така потекнала од шимпанзо, а француските научници пред една недела објавиле дека кај една Камерунка изолирале нов тип на ХИВ-вирусот кој го добила од горила.