Алое Вера е билка која од многу одамна е позната како еликсир на младоста, а поради својата хранлива вредност и бројните лековити својства ја нарекуваат "кралица на лековитите билки"...

Многу одамна фараоните верувале во моќта на оваа билка и ја сметале за еликсир на долгиот живот. Александар Македонски наводно пиел големи количини сок од Алое за сила пред големите воени походи, а самураите со неа го мачкале целото тело пред да одат во војна. Жените од племето Маи нејзиниот сок го ставале на своето лице за да бидат поубави, а оваа билка била и една од тајните состојки кои Клеопатра ги користела за одржување на својата позната убавина. Лекарите на Наполеон со неа ги лечеле раните на војниците, а Индијанците ја користеле за главоболка, повреда, рана и каснување од змија. Јапонците ја нарекуваат кралска билка, а Кинезите ги користат нејзините трње за акупунтура.

Смирувачки и лековити својства на Алое

Поради нејзината делотворност во негувањето на кожата, компаниите за производство на козметика сеуште ја користат Алое Вера како една од главните состојки на кремите за лице и тело. Алое ја навлажнува и подмладува кожата затоа што продира до нејзиниот најдлабок слој, го забрзува зараснувањето на раните, изгорениците и делува против воспаление. Исто така, поради лековитите својства се користи како состојка на многу лекови. Сокот од Алое се користи за детоксикација на организмот, за сува кожа, ја смирува иритираната кожа од осип, акни и убод од разни инсекти. Може да се користи против хепатитис, како и за јакнење на имунолошкиот систем во целост. Таа го намалува воспалението, ги уништува бактериите и вирусите, го јаќкне метаболизмот, ја подобрува работата на црниот дроб, го намалува холестеролот, помага кај воспаление на дишните органи и ги ублажува симптомите на алергии и астма. Богата е со витамите A, C, E и витамините од групата В, во оптимални количини содржи калциум, натриум, калиум, магнезиум, цинк, бакар, манган и железо.