Претставничките на понежниот пол живеат се помалку, се наведува во истражувањето на британските научници...

Досега се сметаше дека животот на жените во просек e со шест години подолг од оној на мажите. Тоа се должeше на подоброто здравје и заштитните својства на организмот. Меѓутоа во последните години овој тренд се смени поради фактот дека се повеќе жени почнуваат да дебелеат а истовремено со тоа ја зголемуваат и конзумацијата на алкохол и пушењето на цигари.

Експерти од британската служба за национална статистика прогнозираат дека девојчињата, кои во моментов се на 12 години, имаат шанса да живеат до 87, ако се придржуваат кон здрав начин на живот барем до својата 30-та година.

Во последно време е забележан пораст на бројот на  мажи кои се откажуваат од цигарите во однос на жените. Во прилогот научниците истакнуваат дека третманот на кардиоваскуларните болести кај мажите е многу поуспешен и продуктивен.