Лошиот здив од устата не е ништо невообичаено. Речиси не постои личност која не се нашла во непријатна ситуација токму поради ваквиот проблем. Ако се уште не сте се обиделе да се ослободите од лошиот здив, еве неколку едноставни трикови за да го сторите тоа.

1. Жвакајте лисја од мента. Свежата мента ќе ги неутрализира непријатните мириси и ќе ја освежи вашата усна празнина. Исто така, ментата го смирува желутдникот и го подобрува варењето.

2. Забниот конец исто така е одличен борец против лошиот здив. Чистејте ги забите со конец барем еднаш дневно. Со тоа ќе се ослободите од вишокот храна собрана меѓу вашите заби, а со тоа и од бактериите кои предизвикуваат непријатни мириси.

3. Мијте ги забите, но и јазикот барем два пати на ден. Така ќе ја одржувате вашата усна празнина чиста и со самото тоа ќе се ослободите од здивот. Користете паста за заби со вкус на ментол затоа што таа најдобро ќе ги неутрализира мирисите.

4. Редовените прегледи кај стоматолог се многу важни за вашето здравје и за здравјето на вашите заби. Детален преглед како и чистење на насобраниот камен кој не може да се исчисти со четкичка може многу лесно да го реши овој проблем.

5. Пијте многу вода. Дехидрацијата може да биде причина за лошиот здив, па затоа кога и да можете испијте барем чаша вода. Исто така, водата ќе ја испере вашата усна празнина и ќе ги отстрани бактериите.

6. Јаболкото е одличен чистач на заби, па затоа ако сте на работно месо и немате пристап до четкичка и паста за заби, изедете барем една јаболка и освежете го здивот со гума за џвакање без шеќер.

7. Избегнувајте ја храната која содржи кромид и лук, но и кафето и цигарите.