Изгледа им дојде крај на нашите маки со долготрајните диети кои ги намалуваат маснотиите но и животот во нас, затоа што експертите дојдоа до занимливо откритие...

Како што пренесува списанието Allure, англиските научници откриле дека два дена поминати во диета е поефикасно отколку цела недела, посебно кога се жените во прашање.

Научниците ги поделиле испитаниците во две групи, при што на едната група и дале класична диета, а на другата и одобриле "нормална исхрана" од 2000 калории дневно, со два дена строга диета неделно. После четири месеци, жените кои биле на диета само два дена во неделата, намалиле 4.5 килограми, за разлика од жените кои се ослободиле од 2.5 килограми со класична диета која ја применувале секој ден.

Утврдено е дека жените полесно се придржуваат кон реалните цели, па е подобро да се хранат нормално и да издвојат два дена во неделата за малку строга диета, отколку да спроведуваат долги и макотрпни диети и на секои неколку дена да ги прекинуваат.