Eдноставна физичка активност како што е брзото одење може да биде многу важно и корисно средство во борба против депресијата, покажало едно шкотско истражување...

Уште од порано е познато дека интензивното вежбање ги ублажува симптомите на депресија, но не беше јасно дали имаат сличен резултат и оние активности кои бараат помал напор.

Група на шкотски научници ги обработила податоците од осум истражувања кои се спроведени поранo и утврдила дека пешачењето резултира со исти ефект во борба против депресијата како и интензивните активности.

Според нивното истражување, пешачењето има силен ефект на депресијата, но сеуште не е јасен механизмот со кој, било која вежба, односно физичка активност ги ублажува симптомите на депресија од која во некој период од животот пати една од десет личности.

Во истражувањата спроведени порано утврдено е дека брзото одење кое се практикува секојдневно, или како вид на релаксација, може да биде еден од факторите кои допринесува за здрав и долг живот.