Најздрава нација во Европската унија се Швеѓаните, најболни се Словаците, а најдолго живеат Французинките.

Во студија на Националниот институт за демографски истражувања на Франција се наведува дека животниот век на и така најдолговечните жени во Европа, Француските, е продолжен во периодот од 2008 до 2010 година од 84,8 на 85,3 години.

Французите исто така живеат подолго, нивниот животен век во 2010 година изнесувал 78 години и два месеци, а во 2008 година живееле во просек четири месеци пократко.

Меѓутоа, Французинките сега порано заболуваат на 63,5 години, додека во 2008 година границата беше на 64,6 години, а нивните сонародници заболуваат во просек на 61,9 години, додека пред четири години станувале болни на 62,7 години.

Иста е тенденцијата и со останатите земји на Европската унија, животниот век на жителите се продолжува, но тие се порано се заболуваат.

Швеѓаните најдолго остануваат здрави и тоа до својата 71,7 година, додека Словаците во просек се заболуваат на 52,3 години.

Малтежанките најдобро се држат, затоа што остануваат здрави до 71,6 години, додека Словакињите се со најнежно здраве, затоа што во просек почнуваат да заболуваат од 52,1 година.

Животниот век најмногу е продолжен во периодот од 2008 до 2010 година за Литванците, и тоа за три години и сега изнесува 57,7 години, додека во Холандија за машката популација е скратен за 1,3 години, односно на 61,1 година.

Што се однесува до женската популација, Литванките сега живеат 2,4 години повеќе отколку во 2008 година, односно 62,3 години, додека жените во Финска во просек живеат 57,8 години или за 1,7 години помалку.