Aко на животот гледате преку розеви наочари, му помагате на вашето срце да остане здраво, тврдат американски научници...

Во споредба на резултатие на повеќе од двеста студии, истражувачите од училиштето за јавно здравје заклучиле дека позитивната психологија и оптимизмот му помагаат на срцето.

Поранешните студии покажаа дека негативните состојби како што се депресија, бес, анксиозност и непреијателскиот став можат да бидат одлучни за појава  на срцеви заболувања.

"Одсуството на негативен став, се разбира не е исто што и присуство на позитивниот. Заклучивме дека факторите како што се оптимизмот и задоволството од животот можат да го намалат ризикот од кардиоваскуларни болести, без оглед на животната доба, друштвениот и економски статус, пушењето или телесната тежина", изјавила главниот автор на студијата Џулија Боем.

Според зборовите на авторката, најоптимистичните поединци во просек имале 50% помал ризик да доживеат инфаркт или шлог, во споредба со помалку оптимистичните учесници.

Позитивниот поглед на светот понекогаш влијае на забавувањето на болеста, се наведува во студијата која е објавена во онлај изданието на "Психолошки билтен".

Истражувачите ја проучувале и врската помеѓу псхолошките и биолошките фактори кои влијаат на појавата на срцеви болести.

Повеќето луѓе кои имаат позитивен став кон животот редовно вежбаат, здраво се хранат и спијат доволно. Позитивниот став е поврзан со нормален притисок, здрава крвна слика и просечна телесна тежина.

Авторите истакнуваат дека таквото истражување ќе стане добар темел за превенцијата од болести, ако се продолжи да се докажува дека нивото на задоволство и оптимизам директно е поврзан со чувањето на срцето и крвните садови.