Личностите кои што пушат цигари со ментол се изложени на поголем ризик за мозочен удар отколку личностите кои пушат обични цигари, тврдат канадските истражувачи.

Иако има тврдења дека љубителите на ментол цигари се изложени на ист ризик за различни заболувања како и сите други пушачи, најновите истражувања покажуваат дека цигарите со леден вкус некогаш можат да бидат и поопасни од другите.

Љубителите на цигари со ментол во просек имаат и повеќе од двоен ризик во однос на останатите пушачи.

Канадските истражувачи од болницата Сент Мајклс во Торонто во текот на студијата утврдиле дека тој ризик бил повеќе отколку три пати поголем за жените кои пушат цигари со ментол отколку за жените кои пушат обични цигари.

Истражувачите напоменуваат дека сите цигари, не само ароматизираните, се лоши за здравјето и дека е познато дека доведуваат до зголемување на ризикот за рак и останати болести на срцето и белите дробови.