Операција на гради, нос и отстранување на масните наслаги од "критичните места" досега беа најпопуларните облици на пластичната хирургија, но хирурзите најавуваат нов тренд - операција на брада...

Според извештајот од "American Society of Plastic Surgeons", операцијата на брада е новиот и најбрзо растечки хит во оваа хирургија, а во 2011, вакви зафати имало повеќе од ботокси, липосукција и зголемување на градите заедно. Овој тренд со раст од 70% во изминатата година популарен е и кај мажите и кај жените, но сепак поголем е процентот на жени кои доаѓаат на "средување на брадата".

Стручнаците велат дека жените се навеле на овој тренд поради зголемувањето на видео повици на работното место, што го доведува нивниот изглед во прв план, па се обидуваат со сите можни средства да го средат изгледот на своето лице. Познатиот хирург Малколм Рот изјави дека подрачјето околу вилицата и брадата се првите места на кои се јавуваат знаците на стареење, па поради тоа не е чудно што жените имаат желба да плаќат за операцаија од ваков тип.

Цените за "уметничка брада" се движат од 4,671 долари, а пациентот уште наредниот ден може да си оди дома, додека целото закрепнување трае две недели.