Постојано се трудите да пронајдете и да усвоите навики кои ќе ве направат поздрави, посреќни и позадоволни луѓе кои ќе живеат подолго...
Но, често се наоѓате пред мноштво разновидни информации од кои брзо се заситувате, бидејќи е тешко да се применат или едноставно немате време за нив. Па еве некои навики кои носат поздраво и позадоволно тело и повесел дух. За нив не е неопходно да одвојувате од скапоценото слободно време, само треба да почнете да ги применувате што е можно поскоро.
Чоколадо
Дури и ако се трудите да го избегнете слаткото, понекогаш најдете си изговор за да го вкусите вашиот омилен чоколаден десерт. Слушнете го своето тело, тоа од време на време бара дози на шеќер. Без грижа на совест повремено допуштете си уживање во некоја коцка чоколадо, освен што ќе му годи на непцето, докажано е дека љубителите на чоколадо имаат 20 проценти помал ризик од мозочен удар отколку оние кои го избегнуваат.
Останете подолго во кревет
Баш затоа што тоа ретко можете да си го дозволите, кога ќе ја имате првата шанса - останете во кревет подолго. Откако ќе се разбудите дозволете си 15-минутно излежување и релаксација. Дајте му време на вашето тело да се разбуди. Дополнителен стимул може да ви биде информацијата што ја носи една студија, а вели дека на жените им треба повеќе сон отколку на мажите, бидејќи тие повеќе го користат мозокот.
Витамин Д
Со сивилото и отсуството на сонцето често на организмот му недостасува витамин Д, познат како витамин на сонцето, кој треба да се замени на друг начин. Може да се внесе и преку храната, а најмногу го има во рибиното масло и месо, млекото, млечните производи, жолчката од јајце и во печурките. Овој витамин спречува депресија, познат е како заштитник на коските и одлучувачки фактор за активирање на имунолошкиот систем.
Мозокот нека ви остане млад
За да ги зачувате функциите на мозокот консумирајте риба, соја, пилешко и млеко. Супер храна за млад мозок се јајцата кои содржат колин, кој ја зајакнува меморијата и штити од деменција. Храната која го зајакнува мозокот мора да биде богата со енергија, да вклучува влакна, јагленихидрати, протеини и малку маснотии.
Утринска енергија
По станувањето одвојте само неколку минути за утринско протегнување поради што целото тело ќе ви биде благодарно. Наместо кафе напијте се зелен чај кој е поздрав, буди и ја поттикнува концентрацијата, а за појадок каснете житарици или свежо овошје. На овој начин ќе го збогатите вашето тело со енергија која е потребна за нормално функционирање во текот на целиот ден и ќе ги завршите сите обврски без постојаното чувство на замор.
