Здраво девојки! Моќта на дејството на црвеното вино, се чини дека ќе натера уште повеќе дами да се приклучат кон приврзаниците на овој пијалок!...
Новото откритие на научниците од американскиот универзитет Пордју го докажува позитивното влијание на црвеното вино во борбата против вишокот килограми. Откриено е дека пицеатанолот кој го има во црвеното вино, има потенцијал да го запира развојот на масните клетки во човечкото тело.
Истражувањето се смета како предвесник на мерките против зголемената телесна тежина, што во западните земји зема загрижувачки димензии. Но, значи ли тоа дека човек може да пие вино, да се весели и во исто време да слабее?
Последните пораки на научниците за биолошка хемија открија дека пицеатанолот има потенцијал да ја блокира способноста на незрелите масни клетки да растат и да се множат.
Пицеатанолот е соединение, кое може да се открие во грозјето, боровинките и тропското овошје, чиј што состав на структурата е како оној на ресвератролот.
Додека ресвератролот, (се наоѓа во црвеното вино, грозјето и кикириките) е познат по ефикасноста против ракот, болестите на срцето и невродегенеративните болести, пицеатанолот може да помогне против зголемената телесна тежина на луѓето, и да ја докаже уште еднаш важноста на црвеното вино во секојдневната умерена потрошувачка на луѓето.
Како делува пицеатанолот? Ова новооткриено соединение има способност да се поврзе со рецепторите на незрелите масни клетки и да го спречува нивниот раст. Овие масни клетки имаат потреба од 10 и повеќе дена пред да станат зрели и токму таму се насочени напорите на научниците за нивно спречување во рана фаза. Целта е да се даде можност за поголеми количини пицеатанол во крвта, за да се запре дебелеењето и да се отстранат веќе наталожените масти. "Треба да работиме за подобрување на стабилноста и растворливоста на пицеатанолот, да се создаде биолошки ефект", објасни Ким.
Уште една причина за да вклучиме една чаша црвено вино на своето дневно мени! Се разбира грст боровинки, црвено грозје и тропско овошје, исто така ќе придонесат да сме секогаш во добра форма!
