Пивото не е главниот виновник  за масните наслаги околу појасот...

Истражувањето кое го докажа ова е доста сериозно, објавено е во “Еuropean Journal of Clinical Nutrition”, а го спровеле Германци. Во текот на четири години ги анализирале тежината и обемот на половината и колковите на 20.000 испитаници, тие морале да даваат детални информации за потрошувачката на пиво и консумирањето на други пијалаци и храна во текот на денот.

Резултатите им одат во прилог на љубителите на пиво, затоа што оние кои имале голем стомак не пиеле само пиво туку биле неумерени во консумирањето на други пијалаци и храна. Оние испитаници коишто најмногу пиеле пиво ја зголемиле вкупната телесна тежина, а не само стомакот.

Ова ја поби тезата на чешките истражувачи кои пред неколку години објавија дека дошле до заклучок оти пивото не влијае на тежината. 

Сепак оние што уживаат во добра голтка пиво сега тоа можат да го прават со мирна совест, ама само умерено.