Консумирањето една рака бадеми на ден им помага на луѓето да симнат килограми, бидејќи тие го потиснуваат апетитот во остатокот од денот, покажуваат најновите истражувања...

Бадемите се многу здрави, тие имаат низок гликемиски индекс, мерка за тоа колку брзо некоја храна прави нивото на шеќер во крвта да се зголеми по јадење. Бадемите бавно и стабилно го зголемуваат шеќерот во крвта и инсулинот, а тоа прави луѓето да се чувствуваат сити подолго време, објаснуваат експертите

„Тоа ја прави храната со низок гликемиски индекс поефикасна во спречувањето на прејадување и е поздрава опција за луѓето кои страдаат од дијабетес", вели универзитетскиот професор Ричард Матис, водач на истражувањето. Тој соопшти дека волонтерите кои земале појадок со цели бадеми се чувствувале сити подолго време и им била регистрирана пониска концентрација на гликоза во крвта по појадокот и ручекот, за разлика од луѓето кои не земале појадок со ниска содржина на гликемиски индекс.

Иако е важно да се внесат доволно калории за балансирана исхрана, умерената количина храна со низок гликемиски индекс, како што се бадемите за појадок, може да го намали количеството храна што луѓето треба да ја внесат, за да се чувствуваат сити и да им помогне да ја одржат телесната тежина.