Поголема е веројатноста да се развие рак  на јајниците кај високите, отколку кај ниските жени, открија научниците од Оксфордскиот универзитет по анализа на 47 истражувања на повеќе од 100 000 жени...

Според експертите, секои пет сантиметри раст ја зголемуваат шансата од рак за 7%.

Хормоните за раст се одразуваат на болеста, а ракот на јајниците е на петтото место од видовите на рак кој се јавуваат кај понежниот пол. За две третини од пациентките со оваа болест крајот е фатален.

Научниците немаат точни докази за тоа која е причината за оваа поврзаност, но по подетално прегледување на долгогодишните истражувања откриле дека високите жени почесто страдаат од рак на јајниците.

Болеста се среќава почесто кај жени со прекумерна тежина, објаснија експертите.