Редовното вежбање може да им помогне на лицата кои патат од депресија...

Научниците од универзитетот Јеил врз основа на експеримент уште еднаш покажаа дека вежбањето влијае на расположението и дека може да помогне во лекувањето на луѓето кои страдаат од депресија. Но тие дојдоа до нова теорија според која во блиска иднина би можело да се произведуваат таблети со состав сличен на хемикалиите кои се лачат во телото за време на вежбање, кои во борбата против депресијата би биле поефикасни во споредба со досегашните лекови.

Научниците веруваат дека овој вид на лек ќе биде значително супериорен во однос на постоечките антидепресиви.

Се разбира, додека оваа таблета не дојде на пазарот, депресијата и лошото расположение може да ги лечите со вежбање. Вежбањето, особено на отворено, го подобрува менталното здравје, го намалува чувството на депресија и ја зголемува самодовербата.

Меѓутоа, ако се работи за вистинска депресија, вежбањето треба да биде само дополнителен третман.