Да, брзата храна води до депресија...

Нездравата храна е лоша за нашето ментално здравје, а истражувањето на шпанските научници покажа дека го зголемува и ризикот од депресија за 51 процент.

“Колку повеќе јадете брза храна, поголем е ризикот да заболите од депресија”, вели Алмудена Санчез Вилегас, која го водела истражувањето.

Докажано е дека покрај дебелината и депресијата, луѓето кои јадат брза храна имаат и други проблеми, најчесто им недостасува физичка активност и водат самечки живот.

Во брза храна не спаѓаат само тостовите, сендвичите и помфритот, туку и грицките, храната од пекарниците и преработените индустриски јадења, како паштета и виршли.