Природното породување денеска трае меѓу два и три часа подолго отколку пред 50 години.

Од ’60 години на минатиот век до денес траеењето на породувањето се продолжило за околу два и пол часа, покажало истражувањето на американскиот Национален институт за здравје.

Судејќи според резултатите од студијата објавена во American Journal of Obstetrics & Gynecology, продолжена е првата фаза од породувањето, значи, периодот пред да дојде време за напнување, а научниците велат дека можеби дошло време да се преиспита дефиницијата за „нормално“ породување и да се преиспитаат медицинските процедури во врска со тоа.

Подолгото породување најверојатно допринесува за тоа што денеска жените подоцна се одлучуваат за раѓање, а се зголеми и просечната тежина на породилката и бебето. Покрај тоа, и епидуралната анастезија, која денеска се почесто се применува, понекогаш може да го „успори“ породувањето и да го продолжи за 40 до 90 минути.

До овие заклучоци научниците дошле споредувајќи ги резултатите од истражувањето спроведено меѓу 1959 и 1966, за време на кое се следени 39.500 жени кои се породиле во терминот, без компликации, и ново истражување спроведено меѓу 2002 и 2008 година, во кое учествувале повеќе од 98.000 жени. Сите породувања биле природни, без користење на индукции (лекови за предизвикување на породување).

Резултатите покажале дека денеска првото породување трае во просек 2,6 часа подолго отколку во ’60 година, а следните породувања траат околу два часа подолго.