Личностите кои спијат помалку од шест часа или повеќе од осум часа дневно се под поголем ризик од проблеми со срцето, отколку оние кои спијат меѓу шест и осум часа, утврдиле професионалците од медицинскиот факултет во Чикаго.
И некои поранешни студии од помал обем укажувале на меѓузависноста на сонот и срцевото здравје, но оваа може да се смета репрезентативна за САД затоа што опфаќа 3.000 личности од разни региони на земјата.
Испитаниците биле Американци постари од 45 години, кои одговарале на прашања за своите навики во спиењето, како и за тоа дали некогаш им е кажано дали страдаат од конгестивни слабости на срцето, дали доживеале инфаркт или шлог, дали имаат заболување на коронарните артерии или ангина пекторис.
Се покажало дека личностите кои пријавиле помалку од шест часа сон дневно се под двојно поголем ризик од шлог или инфаркт и под 1,6 пати поголем ризик од конгестивни слабости на срцето, во однос на оние кои спијат од шест до осум часа.
Исто така е утврдено дека испитаниците кои пријавиле дека просечно спијат повеќе од осум часа дневно се под два пати поголем ризик од ангина пекторис и 1,1 пати поголем ризик од заоболување на коронарните артери отколку оние кои спијат од шест до осум часа.
