Не тагувајте - откриен е биолошкиот клуч на машката ќелавост, што отвара пат кон превенција на оваа појава или дури обновување на влакноста кај мажите кои веќе оќелавеле.

Во лабораториски истражувања на глувчиња, тимот од универзитетот на сојузната држава Пенсилванија го открил протеинот кој предизвикува губење на косата, а лековите за сопирање на истиот веќе се во развој.

Поголемиот број мажи почнуваат да ќелават во средните години, а во тоа пресудна улога играат машкиот хормон тестостерон и генетските фактори. Под нивно дејство фоликулите на влакната почнуваат да закржлуваат, а со тек на време стануваат ситни до невидливост.

Тимот од Пенсилванија утврдил дека во таквите фоликули, како и во ќелавите делови на главата, има зголемено ниво на протеин под стручно име „простагладин D синтаза“, додека во влакнестиот дел на главата го нема.

Во американското истражување глувчињата биле изменети така да имаат зголемено ниво на тој протеин, па затоа биле целосно без крзно. Исто така трансплатираните влакна од човечка коса престанале да растат кога им е вшприцен овој протеин.

„Моментално се истражува дали со делување на клеточните рецептори на простагладин D синтаза може само да се спречи опаѓањето на косата или може да се постигне нејзин раст и таму каде што веќе паднала“, вели водачот на истражувањето, професор Џорџ Коцарелис.