Луѓето кои имаат крвен притисок малку повисок од нормалниот, може да го регулираат со редовно консумирање на грозје, се резултатите од клиничкoто истражување, кое беше објавено на состанокот на кардиолози во Чикаго...

Според истражувањето, луѓето чиј горен крвен притисок варира помеѓу 120 и 139 mm/Hg, а долниот помеѓу 80 и 89 mm/Hg, би можеле значително да го намалат притисокот ако јадaт грозје три пати дневно.

Ова овошје e познато по тоа што има добро влијание на кардио-васкуларниот систем, но ова е прва студија која научно го проучувала ефектот кој го има грозјето на намалувањето на крвниот притисок.

Истражувањето било финансирано од организација која се занимава со промоција на грозјето во исхраната и производители на ова овошје, а резултатите биле објавени на 61. годишна конференција на американските кардиолози, која се одржа овој викенд во Чикаго.

"Секогаш сме земале здраво за готово дека грозјето е добро за намалување на крвниот притисок, но тоа никогаш не беше потврдено во научната литература", изјави Харолд Бејс, директор на Истражувачкиот центар за метаболизам и атеросклероза во Луисвил, кој е главен автор на студијата.