Во новите упатства кои ги издало британското Друштво за кардиоваскуларни болести стои дека летањето со авионот е претставува ризик за здравјето на срцето и крвните садови.

Упатствата се објавени во професионалното медицинско списание Heart, а се базираат на постоечките докази и мислења на лекари кои се занимаваат со кардиологија, пулмологија и медицина на летањето.

Во упатствата стои дека патниците кои летаат со авион вдишуваат воздух со намален процент на кислород, што би можело да биде ризично за луѓето што имаат проблем со ангина пекторис, срцева слабост, пореметен срцев ритам или преболеле срцев удар.

Порталот „Мој доктор“ пренесува дека авторите на тие упаства истакнале дека нивото на кислород во крвта за време на летањето изгледа дека има мало или никакво влијание на крвните садови, посебно на кратки до умерено долги летови.

Тие тврдат дека патниците со сериозни кардиоваскуларни пореметувања можат да летаат ако редовно ги земаат своите лекови, избегнуваат возбудувања и имаат пристап до кислород во кабината и на аеродромите.

Во упатството стои дека луѓето кои имаат болести на срцето и крвните садови, но не се животно загрозени, можат, ако сакаат, да летаат на комерцијални линии, затоа што летањето со авион не претставува значаен ризик за нивното здравје.

Професионалците укажуваат дека рестрикциите треба да се применат само во случаи кога постои значаен ризик дека нивната основна болест предизвикува акутно влошување.