Појадокот е најважниот оброк, освен што не треба да го прескокнуваме треба и да внимаваме што појадуваме...

Најдобар избор се продуктите богати со антиоксиданси. Со внесувањето на антиоксидансите го штитиме организмот од влијанието на слободните радикали. Ефикасни се во спречувањето на рак, срцеви болести и го подобруваат помнењето. Како да ги внесете преку исхраната:

Чаша свежо исцеден сок

Свежо исцеден сок од портокал или грејпфрут веќе е добро познат рецепт за здрав појадок. Може да пробате и сок од шипка или боровинки, кои исто така на телото ќе му ги дадат потребните антиоксиданси.

Зеленчук во омлет

Држете се до правилото дека шарената чинија е и најздрава. На тој начин ќе знаете дека во организмот сте внеле супстанции важни за здрав и долг живот. Ако сакате омлет, збогатете го со сецкана црвена, зелена и жолта пиперка, печурки, домати, кромид, спанаќ, брокула... Колку повеќе бои ќе искомбинирате, вашиот оброк ќе биде поздрав.

Овошје во житарици

Житариците, кои се идеален оброк за почеток на секој ден, збогатете ги со природни шеќери кои се кријат во јаболката, бананите, праските, јагодите или сувото овошје. Вкусен и здрав оброк полн со антиоксиданси ви е загарантиран.

Палачинки од интегрално брашно

Денот можете да го започнете со палачинки од брашно од цело зрно. На овој начин ќе ги внесете и потребните протеини и влакна, ќе ги заштитите вашите клетки и ќе го намалите холестеролот.

Зрнесто овошје

Боровинки, брусница, малини, капини, шумски јагоди, рибизли... се богати со антиоксиданси, па обидете се да ги јадете што е можно почесто. Додадете јогурт и ќе имате вкусен и здрав појадок.

Јаткасти плодови

Тие се особено ефективни кога станува збор за спречување на болестите на срцето, но се богати и со антиоксиданси, па за појадок, како и зрнестото овошје, може да ги  искомбинирате со многу состојки.

Зелен чај

Ако го пиете наутро за појадок или сакате да се напиете добра шолја зелен чај неколку пати на ден, на телото ќе му обезбедите висока доза на антиоксиданси.

Кафе

Добри вести за љубителите на кафето и оние кои тврдат дека без шолја од магичната напивка не можат да го започнат денот. Кафето е богато со антиоксиданси, но пијте го без млеко, шеќер, шлаг и слични производи кои го збогатуваат вкусот, бидејќи е најкорисно кога се пие чисто.