Храната богата со влакна го подобрува здравјето на непцето, тврдат американските истражувачи.

Долгогодишното истражување кое е спроведено во Америка на воените ветерани открило поврзаност на конзумирањето на прехрамбени влакна и здравјето на непцето.

Ветераните се следени цели 24 години, а резултатите, објавени во списанието Journal of the American Geriatrics Society, укажуваат дека исхраната богата со влакна била поврзана со околу 30% помала веројатност од губење на забите како и помал ризик за губење на коските поврзани со повлекувањето на непцето.

Што се однесува до храната со влакна, заштитниот ефект на здрајвето на непцето е докажан кај конзумирање на овошје богато со влакна како банана, јаболка или суви сливи.

Околу 10% од возрасните Американци страдаат од умерена до тешка болест на непцето, што вклучува крварење, повлекување на непцето и паѓање на забите.

Проблемот станува се почест со стареењето и опфаќа повеќе од 20% од жителите постари од 75 години.