Канадските научници објавиле дека тинејџерите кои претрпуваат потрес на мозокот се почувствителни на неговите последици отколку што тоа е случај со децата и возрасните.

Според нивните зборови, тоа може да се објасни со фактот дека мозокот на тинејџерска возраст забрзано се развива и затоа и симптомите на потрес на мозокот се многу поизразени.

Податоците собрани на универзитетот Монтреал покажуваат дека потресот на мозокот кај адолесцентите може да влијае на краткотрајното сеќавање клучно за читање и сметање.

Во списанието Brain Injury професионалците наведуваат дека таквите последици кај нив можат да траат од шест до дванаесет месеци.

Новите резултати се базираат на одговорите на 96 спортисти кои имале потрес на мозокот во претходните три до шест месеци, а во истражувањето исто така учествувале и помлади од кои најмладиот испитаник имал девет години.