Познат е фактот дека кофеинот ќе ве разбуди за време на денот но и ќе предизвика немирен сон. Меѓутоа, новите истражувања покажаа дека тоа не е точно и за "ноќните птици"...

Според новите откритија "ранобудните" кои конзумирале кофеин преку денот, многу почесто се будат отколку "ноќните птици". Ова е првото истражување кое ја поврзало конзумацијата на кофеин со "Кронотип", категоризацијата на луѓе според делот од денот во кој се најактивни.

Во истражувањето учествувале 50 студенти кои биле замолени да ја бележат конзумацијата на кофеин и точното време на спиење и будење. Носиле нараквици кои го следеле нивното движење за да се утврди дали се буделе за време на ноќниот сон. Исто така, се мерела и нивото на кофеин во плунката во текот на неделата во кое траело истражувањето.

Повеќето студенти многу малку спијат па најчесто спиеле без проблеми штом можеле стигнале до креветот, "без оглед на количината на кофеин која ја испиле", изјавил Џејми Зеитзер од универзитетот Стенфорд. Сепак, истражувањето покажало дека кофеинот многу послабо делува ноќните птици, а причината веројатно лежи во фактот дека нивниот организам многу брзо се чисти од кофеин кој го конзумирале за време на денот.

Зеитзер додава дека на некои луѓе едноставно им е тешко да го избегнат ефектот на кофеин, дури и ако се избегне за пиење кафе во попладневните и вечерните часови.