Сопствениците на домашни миленичиња уживаат во подобро здравје, во споредба со оние кои не одгледуваат милениче дома...

Ова го покажува истражувањето спроведено во Јапонија во кое учествувале 200 луѓе.

Според податоците од истражувањето, срцата на луѓето со миленичиња реагираат подобро на физичките промени, како зачестено дишење во екстремна ситуација.

Според американскиот професор Ерика Фридман, истражувањето ја потврдува веќе познатата врска помеѓу постоењето на домашно милениче дома и состојбата на срцето на сопственикот. Не е сосема јасно, на што се должи оваа зависност.

За време на направените набљудувања во Јапонија, научниците поставувале прашање поврзани со секојдневниот живот, на луѓе со дијабетес, висок крвен притисок или висок холестерол. Секој од учесниците бил подложен на следење на работата на срцето во текот на денот, за да се утврдат варијациите на срцевата фреквенција.

Кај сопствениците на миленици околу 5% од срцевите тонови се движат во границите од 50 милисекунди, додека кај останатите, бројот е 2.5, односно кај нив е регистриран помала променливост на срцевата фреквенција.

Експертите не можат да докажат дали разликата се должи на комуникацијата со домашните миленици, но претпоставуваат дека животното дома може да обезбеди поддршка за домаќинот, да го намали стресот и донекаде да се задоволи со своите социјални потреби.