Сончевата светлина го намалува ризикот од развој на алергии, сметаат американските научници предводени од д-р Ник Озборн...

Експертите тврдат дека луѓето кои живеат со помалку сончева светлина се изложуваат на поголема шанса за развој на алергија, отколку оние кои редовно се изложени на енергијата од сонцето. Кај малите деца сончевите зраци се особено корисни. Колку повеќе детето поминува на отворено и сончево место, толку повеќе ја намалува веројатноста од астма или егзема.

Сончевата светлина е многу важна, бидејќи таа му обезбедува на организмот витамин Д потребен за правилен развој. Истражувањето на експертите потврдува дека има директна врска помеѓу алергиите и местото каде што е вашиот дом. Луѓето кои живеат во студените географски широчини, каде што времето е почесто мрачно и дождливо, страдаат многу повеќе од алергии.